Rusiye Mudafaa nazirligi bildirgenine köre, eñ az dört Ukrayina uçucısızı mayısnıñ 29-na keçer gecesi Qırımnı ücüm etti. Bu haber müessiseniñ içtimaiy saifelerinde derc etildi.
Berilgen malümatqa köre, Rusiye Federatsiyasınıñ ava mudafaa quvetleri dronlarnı yoq etti. Mudafaa nazirligi bunıñ qayda olğanını tam bildirmedi. Müessise haberiniñ delillerini köstermedi, içtimaiy ağlarda ve yerli kütleviy haber vastalarında patlavlar ya da ava mudafaasınıñ iş sesleri aqqında haber etilmedi.
Ukrayina arbiyleri bu haberlerni izaatlamadı.
2022 senesinden başlap yarımada aman-aman er kün uçucısız ve raketalarnıñ ücümine oğray, çoqusı alda Rusiye Federatsiyasınıñ Mudafaa nazirligi ya da Rusiye akimiyeti, bu malümat olsa da, arbiy obyektlerge darbe endirilgenini tasdıqlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
